Қазақ халқы кітапты киелі қасиет деп, – бағалаған. «Кітап – білім бұлағы, білім өмір шырағы». «Кітаппен кеңес, білімдімен теңес» деген сынды жүйелі мақалдар бекер айтылмаса керек. Кітап баға жетпес асыл қазына. Кітап оқу арқылы білім көкжиегіне жетеміз. «Наданмен қас болғанша, Кітаппен дос бол». (с) Бауст. «Кітап әлемдегі құпиялы ұлы ғажайыптардың бірі». (с) Горький.
Кітап арқылы сөздік қорымыз байып, сауаттылық деңгейіміз арттырып, қоршаған ортаны танып, өзімізді және өзгелерді танып, адамдармен жақын қарым – қатынаста болу, сабырлыққа баулиды. Кітап адам баласының сан ғасырлық ақыл – ойының жемісі, тарихы мен тағылымының алтын сандығы. «Кітап дегеніміз – алдыңғы ұрпақтың артқы ұрпаққа қалдырған рухани өсиеті. Кітап оқудан тиылсақ, ой ойлаудан да тиылар едік» – деген еді Ғабит Мүсірепов.
Кітап таңдап талғап оқи білу, оны түсіну мен түйсіну, алған әсеріңді өмір қажетіңе жарата білу – әрбір адамның білігі мен білімін, пайымы мен парасатын айқындайтын алғы шарттардың бірі. Міне осы асыл қазынаны оқу қазіргі таңда төмендеп отыр. «Кітап маған тақтан да қымбат», – деп атап көрсеткен Шекспир.
Л. Н. Гумилев атындағы Еуразия ұлттық университеті Саясаттану және журналистика факультетінің 3 –курс студенті Қызғалдақ Омар